البهجه

فيه فلم قصير اسمه علشان فريده _جميل اووى ابقو احضروه_ فريده شخصيه مرحه مبهجه . انا اتفرجت ع الفديو دا كتير جدا لدرجه انى مش عارغه اعد.كام مره ..
كل مره بشوف ف عيون فريده حاجه جديده . هى  بتعرف تزرع فرحه جوا الناس كلها . لكن ف وحدتها هى وحدها وكل حاجه موجوعه جواها . بتدى فرحه للكل . الكل بيقعد معاها عشان بيحب بهجتها . ماحدش فكر يقعد معاها عشان بيفكر انها ممكن بردو تكون محتاجه حد يديها
البهجه .
شخصياتنا المبهجه المرحه ..
ماجاش يوم زفكرت انك كنت قبل كدا مرح ومبسوط رغم اللى حصلان ف حياتك ،وبمرور الوقت البهجه دى بتقل كل وم ورا التانى .
ووقت فرحاتك الحقيقى بيكون قليل وقليل اووى .
 لما بكون وسط ناس كتير ببقى مرحه جدا ومبهجه .وف النهايه التانك بتاعنا بيفضى من اللى حوالينا وليس لنا من منقذ سوى نفسنا .
فنستخبى حبه بعيد عن الناس ونملانا تانى ونرجع .
 لو عندنا ناس مبهجه زى كدا بجد خلينا نملاهم ف مره بلاش دايما ناخد منهم .
وما تلومهمش ع عدم قدرتهم ع البهجه ف الوقت دا لان
هم ما بيكونوش عندهم قدره حرفيا ع حاجه .
احنا بنى ادمين وبنحس وبنتعب .

Comments

Post a Comment

Popular posts from this blog

الونس

Image
 (والروح محتاجه لورح ترد فيها الروح ) جمله دى اول مره قريتها حسيتها معناها الونس . اه الونس ؛ زمان ولحد فتره قرييه ما كنتش فاهمه يعنى ايه ونس . لكن فهمتها ..... بالفعل . الونس هو حد معاك بس بروحه . روحه تلمس روحك من غير ما تتكلم او تنطق بحرف . الونس مش محتاج وجوده الكلام والتصنع والمجاملات . الونس اصلا شاف روحك ودخل فيها لمسها وقرب من نارها قبل جنتها . الونس شاف ضلمتك وما خافش منها بالعكس ونسك ببواقى النور اللى عنده لحد ما تنوصل لنورك . الونس هو وجود مميز جميل ما يتشافش غير بالروح. يابخت اللى عنده ونس يونس عليه حياته ف نورها وضلمتها . ابقو ونس لبعضكم . ادخلو والمسو ارواح بعض .  كونو ونس بجد لبعض .
Read more

قوه بعد وجع

Image
كان فيه جمله ف فلم بحبه بتقول ( الالم يطالبنا بالاحساس به )  وقعدت افكر يعنى ايه يعنى ايه احس بالم .  الفرق ما بين حسيت غصب عنى انى موجوع وانى بسمح لنفسى احس فرق كبير اووى الالم لما  يحصل فينا ونتوجع بنهرب منه بمليون طريقه وطريقه اما السماح بوجود الالم هو انى اتوجع بجد واسيب الوجع يدخل جوايا ويملانى واحسه اوووى . اغوص فيه .. بس مش اغرق اغوص واعرف اعوم جواه .. وبعد ما ياخد وقته ووقت حزنى . اقف عليه زى راكبين الامواج لحد ما موجته كلها تهدى . الالم محتاج حنكه حنكه امته هغوص وامته هركب امواجه الاهم من كل دا انى مش هجرى واسيبه لانى وقت ما هقاوم هغرق فيه وهو جوايا هيكون حمل تقيل يغرقنى اكتر زى حته الحديد . الهم يارب امنحنا حكمه وقوه قوه من روحك منك عشان نقدر نقوم من بعد الالم ونقوم اقوى من الاول قوه وسنده منك تخلى الوجع بتاعنا عمره ما يموتنا الوجع بتاعنا يقوينا . What does not kill you ..... Makes you stronger .💪💪
Read more

الباب

Image
كل واحد فينا جواه أوض كتير ،  عقلنا بيكون مليان بيها بيرتب فيها افكارنا زكرياتنا مشاعرنا كل حاجه من اول ما نتواد . وفيه اوضه واحده بتكون زى اوضة الكراكيب ، بنخزن فيها كل حزن كل وجع كل خزلان كل موقف مؤلم كل مشاعر تخوف لحد ما بتتكركب اوى. كل مره نحس فيها شعور مؤلم ندخل نرمى فيها ونستخبى ، نزين الباب من برا ونغطيه عشان ما نقربش عليه ونعرف نعيش جوانا واحنا عاملين مش عارفين ومتجاهلينه و تمام جدا ، بنفتكر اننا طول ما متجاهلين وجوده هنحس كويس طول الوقت ، لحد ما تيجى لحظه حد يقرب من مشاعرنا اوى او يقول حاجه تدايقنا  يقوم فاتح الباب بتاع الاوضه دى بضلمتها بكراكيبها وترابها يعفر علينا عقلنا ويشوش مشاعرنا وتفكيرنا وما نشوفش  بسببه .   معروفه دايما ان التجاهل ما بيحلش المشكله بل بيزودها . وبردو مشاعرنا لما بنتجاهلها تزود علينا . قبل كدا حد قالى اننا لو ما اهتمناش بالمشاعر بتاعتنا واديناها فرصه انها تعبر وتطلع بتقعد علينا لحد ما بتفطسنا . زى طفل صغير لو فضلنا نتجاهل تصرفاته الصغيره بمرور الوقت هيبداء يصرخ ويزعق ويخبط ويكسر ، وهتبقى محتاج بعد كدا وقت طويل تعالج التجاهل بتاعك للطفل...
Read more