كود العلاقات

 الكود بتاع نجاح اى علاقه هو حاجتين ويمكن حاجه واحده بتقود لوجود التانيه الا وهو
الحب الغير مشروط ....
اللى هو بظبط انا بحبك وانا عارفه ان فيك عيوب وانا شايفها ومتقبلها وبحاول اتفهمها وبتعامل معاها بسلاسه وبحاول افهمك ان فيه حاجه هنا مش حلوه بس بطريقه كويسه من غير ما اجرحك ولا اهاجمك او اكسر فكره الحب اللى جوايا ليك واللى وصلالك منى .
والحاجه التانيه بتنتج وحدها من الحب دا
الامان  ؛ اتحبيت واتقبلت وبحبك ليا ؛ فبتغير جوا الامان دا وانا اللى بقرر اصلح دا لانى بحبك بردو .
وبصراحه وجديه الموضوع محتاج صبر كصبر ايوب ... الحوار صعب ماهوش بسيط خاصتا لما تكون العلاقه دى مش صداقه وبس .. لما تكون العلاقه دى  علاقه حب حب بيؤدى لجواز وارتباط وحياه .
بتبقى ف العلاقه مش بتجازف اننا اصدقاء فتمام وهنتعامل وهساعدك ؛ لا هتبقى علاقه انت هتبقى جزء لا يتجزاء من حياتى 🙈🙈
فتقوم الخضه جوايا والخوف والقلق والتفكير والرعب ف انه مافيش وقت وانى صرت انا مركز الزوبعه وانا داير جواها
بنفقد وقتها كل قدرتنا على التعامل الصح وبنبقى غير صالحين لدا ....
لكن الحكايه محتاجه فوقه نفوق نقوم ع رجلينا ونقول لاء احنا هنطلب معونه وقدره وقوه وحكمه وصبر من ربنا
احنا هنصحى كل يوم نطلب حب غير مشرود من ربنا يملانا عشان نعرف نكمل الطريق بتاعنا
وحتى لو الحب دا سابنا وما كملناش هنبقى فرقنا ف حياتهم بقوه ومش ب اى قوه هنبقى حفرنا جواهم  .
الحب هو مفتاح كل حاجه .
الهم يارب تدينا قوه وحب منك وسلام وصبر وفهم وحكمه عشان نعرف نبنى بيك حياتنا
الهم ادى اللى بنحبهم نور وبركه وسلام وقوه فهم لاستقبال حبنا ليهم صح .
الهم ادينا معرفه ف المواقف الصعبه لاننا بنى ادمين وبنتوجع .
ادينا نور وقت عمى تحكيمنا وخلينا نشوف
امين .
صباحكم مليان نور وحكمه 💜🌷