الحب 💗

 زمان لما كانت ف كليه واحد زميلها قالها انه بيحبها ...
كانت اول مره تسمعها من ولد .
ما كانتش متخيله اصلا انها متشافه او ان فيه حد ممكن يحبها .
خافت وفرحت .. خافت لانها اول مره تتحط ف موقف زى دا -وهو صديقها اه - بس مختلفين اوووى اوووى ... اختلاف الميه والنار .
هو هادى مش بيحب الزيطه مش بيحب يخرج كتير. هيفعد وسط ناس ممكن ما يعرفش يوجه الكلام ناحيته او حتى يتكلم كلمتين ع بعض .
هى عكس كل دول جدا .. هى عايشه عندها احلام حياه طموحات
هى عكس البنات اللى ف سنها هى مثقفه باحثه مجنونه مختلفه منوره مبهجه بتحب الحياه .
خافت من قربه منه . خافت ع احلامها وشخصيتها ونفسها . خافت من حبه .
ف سابته .
مرت سنين كتير بين دا ومره جديده
هى زى ما هى مش عاوزا راجل ف حياتها يدخل ويمحى ويوقف مستقبلها ويحوده ليه هو وبس .. لسه عايزا تحقق زاتها وتوصل للى هى بتتمناه وبتخططله .
بس جه واحد حبها .حبته المره دى ...
وخايفه لسه .. خايفه ع نفسها واحلامها ومستقبلها
خايفه تتحول وتبقى زي غيرها وهى عمرها ما كانت زى غيرها
طول عمرها مميزه
لكن المره دى قبلت المجازفه ف الحب ..
وهتوصل للى بتخططله وتحبه
تتمنى بس انه ما يجيش اليوم اللى تضطر تختار فيه .