القيمه

 الوقت اللى فات دا اكدلى حاجه واحده كنت مقتنعه بيها زمان
ان ما حدش فينا بيتخلق كدا من لا شئ او اعتباطا .
 لا احنا اتخلقنا ومرينا بكل الظروف اللى مرت بينا عشان نتشكل كدا
عشان نتكون .. وتبان حقيقتنا .
زى الالم والاوجاع والمواقف اللى وجعت جوانا اووى زمان .. الحاجات دى ربنا ما سابناش نمر بيها عشان هو عايزنا نتوجع اعتباط -حاشا_ ف الحقيقه المواقف دى بتخلينا نبنى معتقدات كبيره ثابته منهم صح ومنهم غلط ...
تعالو ناخد وقت كدا نفتكر اننا كنا هنبقى اقويا ازاى ف الموقف دا لو ما كناش مرينا بخبره الم زيه واقوى منه علمتنى اكون صامده ومكمله .
والحاجات اللى بندخلها واحنا مش حاطين حساب مهم احنا هندرس دا ليه او هنحضر دا ليه .. وف النهايه .. بنلاقى نفسنا اتعلمنا كتير منه لنفسنا وف حياتنا علمت ، نقط كتير بردو ما كناش متوقعينها اصلا .
والمواهب اللى عندنا والحاجات اللى ما كناش فاكرين اننا نقدر نعملها ولما نمر بمواقف ونكتشف اننا نقدر .
الله خلقنى كيااان عظيم
. "عظيم"
حاسينها كلمه اوفر صح ؟!
بصراحه لا مش اوفر دا حقيقه
الله عظيم مش هيخلق حاجه قليله او مالهاش قيمه .
اوقات كتير من كتر الوجع اللى بكون فيه بقول انى خطأ مطبعى اتوجد ف الارض . وانى بعانى بسبب دا .
لكن الحقيقه اللى اتاكدت منها انه بجد قيمتنا كبيره .

Comments

Post a Comment

Popular posts from this blog

الونس

Image
 (والروح محتاجه لورح ترد فيها الروح ) جمله دى اول مره قريتها حسيتها معناها الونس . اه الونس ؛ زمان ولحد فتره قرييه ما كنتش فاهمه يعنى ايه ونس . لكن فهمتها ..... بالفعل . الونس هو حد معاك بس بروحه . روحه تلمس روحك من غير ما تتكلم او تنطق بحرف . الونس مش محتاج وجوده الكلام والتصنع والمجاملات . الونس اصلا شاف روحك ودخل فيها لمسها وقرب من نارها قبل جنتها . الونس شاف ضلمتك وما خافش منها بالعكس ونسك ببواقى النور اللى عنده لحد ما تنوصل لنورك . الونس هو وجود مميز جميل ما يتشافش غير بالروح. يابخت اللى عنده ونس يونس عليه حياته ف نورها وضلمتها . ابقو ونس لبعضكم . ادخلو والمسو ارواح بعض .  كونو ونس بجد لبعض .
Read more

قوه بعد وجع

Image
كان فيه جمله ف فلم بحبه بتقول ( الالم يطالبنا بالاحساس به )  وقعدت افكر يعنى ايه يعنى ايه احس بالم .  الفرق ما بين حسيت غصب عنى انى موجوع وانى بسمح لنفسى احس فرق كبير اووى الالم لما  يحصل فينا ونتوجع بنهرب منه بمليون طريقه وطريقه اما السماح بوجود الالم هو انى اتوجع بجد واسيب الوجع يدخل جوايا ويملانى واحسه اوووى . اغوص فيه .. بس مش اغرق اغوص واعرف اعوم جواه .. وبعد ما ياخد وقته ووقت حزنى . اقف عليه زى راكبين الامواج لحد ما موجته كلها تهدى . الالم محتاج حنكه حنكه امته هغوص وامته هركب امواجه الاهم من كل دا انى مش هجرى واسيبه لانى وقت ما هقاوم هغرق فيه وهو جوايا هيكون حمل تقيل يغرقنى اكتر زى حته الحديد . الهم يارب امنحنا حكمه وقوه قوه من روحك منك عشان نقدر نقوم من بعد الالم ونقوم اقوى من الاول قوه وسنده منك تخلى الوجع بتاعنا عمره ما يموتنا الوجع بتاعنا يقوينا . What does not kill you ..... Makes you stronger .💪💪
Read more

الباب

Image
كل واحد فينا جواه أوض كتير ،  عقلنا بيكون مليان بيها بيرتب فيها افكارنا زكرياتنا مشاعرنا كل حاجه من اول ما نتواد . وفيه اوضه واحده بتكون زى اوضة الكراكيب ، بنخزن فيها كل حزن كل وجع كل خزلان كل موقف مؤلم كل مشاعر تخوف لحد ما بتتكركب اوى. كل مره نحس فيها شعور مؤلم ندخل نرمى فيها ونستخبى ، نزين الباب من برا ونغطيه عشان ما نقربش عليه ونعرف نعيش جوانا واحنا عاملين مش عارفين ومتجاهلينه و تمام جدا ، بنفتكر اننا طول ما متجاهلين وجوده هنحس كويس طول الوقت ، لحد ما تيجى لحظه حد يقرب من مشاعرنا اوى او يقول حاجه تدايقنا  يقوم فاتح الباب بتاع الاوضه دى بضلمتها بكراكيبها وترابها يعفر علينا عقلنا ويشوش مشاعرنا وتفكيرنا وما نشوفش  بسببه .   معروفه دايما ان التجاهل ما بيحلش المشكله بل بيزودها . وبردو مشاعرنا لما بنتجاهلها تزود علينا . قبل كدا حد قالى اننا لو ما اهتمناش بالمشاعر بتاعتنا واديناها فرصه انها تعبر وتطلع بتقعد علينا لحد ما بتفطسنا . زى طفل صغير لو فضلنا نتجاهل تصرفاته الصغيره بمرور الوقت هيبداء يصرخ ويزعق ويخبط ويكسر ، وهتبقى محتاج بعد كدا وقت طويل تعالج التجاهل بتاعك للطفل...
Read more