الزكريات

الذكريات ..
 هى التفاصيل الصغيره اللى بنحتفظ بيها ف حياتنا من اللى بنحبهم .
احلام مستغانمى قالت ..
ما تحكيش برفان محدد ف اول يوم مقابله ليكم ..
بلاش يكون ليكم اغنيه بتحبوها سوا
م الاخر .. ما تخليش فيه تفاصيل وذكريات زى كدا بينكم .. عشان يوم الفراق . ما توجعكمش ..
لان اللى بيوجع ف الفراق مش الفراق نفسه قد التفاصيل اللى بتتساب جوانا .
تخيلو بقى تعيشو قصه حب .. علاقه صداقه قويه .. وتمنعى التفاصيل دى انها تكون ..
ف الاول كنت مقتنعه بكلام احلام .. ومع الوقت والخبره اكتشفت حاجه واحده مهمه .. اننا مش ف ايدنا نكون او ما نكونش
الحاجات الصغيره الحلوه دى بتتكون وحدها ..
الشارع اللى بتحبو تمشو فيه
لمسه ايد .. طبطبه وقت حزن ... اغنيه حبتوها سوا صدفه ... ريحه برفان بتفكرنا ببعض ..
كلام معين كان بيتقال وقت فرحه وشده
السنده اللى بنتسندها وقت وقوعنا ..
كل دا زكريات .. كل دا احنا
الزكريات هى احنا
تفاصينا
كينونتنا
الفرق ف الحكايه كلها ازاى اعرف اتعامل مع زكرياتى دى ..
اللى واثقه منه
مهمها عدى ومهما حصل ف علاقاتنا ومواقفنا
انها كانت حقيقيه اووى حقيقيه عشان كدا تبتت جوا عقلنا
وطول ما الحاجه حقيقيه .. يبقى دا كفايا انها تكون زكرى جميله 
نحتفظ بيها جوانا من غير ما نشوهها
وقتها بس الزكريات هتفرحنا
لانها مش هترجع تانى .. فننبسط بيها لما نفتكرها

Comments

Post a Comment

Popular posts from this blog

الونس

Image
 (والروح محتاجه لورح ترد فيها الروح ) جمله دى اول مره قريتها حسيتها معناها الونس . اه الونس ؛ زمان ولحد فتره قرييه ما كنتش فاهمه يعنى ايه ونس . لكن فهمتها ..... بالفعل . الونس هو حد معاك بس بروحه . روحه تلمس روحك من غير ما تتكلم او تنطق بحرف . الونس مش محتاج وجوده الكلام والتصنع والمجاملات . الونس اصلا شاف روحك ودخل فيها لمسها وقرب من نارها قبل جنتها . الونس شاف ضلمتك وما خافش منها بالعكس ونسك ببواقى النور اللى عنده لحد ما تنوصل لنورك . الونس هو وجود مميز جميل ما يتشافش غير بالروح. يابخت اللى عنده ونس يونس عليه حياته ف نورها وضلمتها . ابقو ونس لبعضكم . ادخلو والمسو ارواح بعض .  كونو ونس بجد لبعض .
Read more

قوه بعد وجع

Image
كان فيه جمله ف فلم بحبه بتقول ( الالم يطالبنا بالاحساس به )  وقعدت افكر يعنى ايه يعنى ايه احس بالم .  الفرق ما بين حسيت غصب عنى انى موجوع وانى بسمح لنفسى احس فرق كبير اووى الالم لما  يحصل فينا ونتوجع بنهرب منه بمليون طريقه وطريقه اما السماح بوجود الالم هو انى اتوجع بجد واسيب الوجع يدخل جوايا ويملانى واحسه اوووى . اغوص فيه .. بس مش اغرق اغوص واعرف اعوم جواه .. وبعد ما ياخد وقته ووقت حزنى . اقف عليه زى راكبين الامواج لحد ما موجته كلها تهدى . الالم محتاج حنكه حنكه امته هغوص وامته هركب امواجه الاهم من كل دا انى مش هجرى واسيبه لانى وقت ما هقاوم هغرق فيه وهو جوايا هيكون حمل تقيل يغرقنى اكتر زى حته الحديد . الهم يارب امنحنا حكمه وقوه قوه من روحك منك عشان نقدر نقوم من بعد الالم ونقوم اقوى من الاول قوه وسنده منك تخلى الوجع بتاعنا عمره ما يموتنا الوجع بتاعنا يقوينا . What does not kill you ..... Makes you stronger .💪💪
Read more

الباب

Image
كل واحد فينا جواه أوض كتير ،  عقلنا بيكون مليان بيها بيرتب فيها افكارنا زكرياتنا مشاعرنا كل حاجه من اول ما نتواد . وفيه اوضه واحده بتكون زى اوضة الكراكيب ، بنخزن فيها كل حزن كل وجع كل خزلان كل موقف مؤلم كل مشاعر تخوف لحد ما بتتكركب اوى. كل مره نحس فيها شعور مؤلم ندخل نرمى فيها ونستخبى ، نزين الباب من برا ونغطيه عشان ما نقربش عليه ونعرف نعيش جوانا واحنا عاملين مش عارفين ومتجاهلينه و تمام جدا ، بنفتكر اننا طول ما متجاهلين وجوده هنحس كويس طول الوقت ، لحد ما تيجى لحظه حد يقرب من مشاعرنا اوى او يقول حاجه تدايقنا  يقوم فاتح الباب بتاع الاوضه دى بضلمتها بكراكيبها وترابها يعفر علينا عقلنا ويشوش مشاعرنا وتفكيرنا وما نشوفش  بسببه .   معروفه دايما ان التجاهل ما بيحلش المشكله بل بيزودها . وبردو مشاعرنا لما بنتجاهلها تزود علينا . قبل كدا حد قالى اننا لو ما اهتمناش بالمشاعر بتاعتنا واديناها فرصه انها تعبر وتطلع بتقعد علينا لحد ما بتفطسنا . زى طفل صغير لو فضلنا نتجاهل تصرفاته الصغيره بمرور الوقت هيبداء يصرخ ويزعق ويخبط ويكسر ، وهتبقى محتاج بعد كدا وقت طويل تعالج التجاهل بتاعك للطفل...
Read more