ما يهزك ريح

"ياجبل ما يهزك ريح " 

مثل مشهور وكلنا عارفينه 

حد فكر انه بجد الجبل مش بيتهز من الريح ... لكن بيتهز من بركان جواه .. او زلزال يحصل ف الارض بتاعته .. 

بتقع صخور من عليه .. .

فيه ناس كدا زى الجبل .. حواليهم شايفنهم اقويا اووى وثابتين . مافيش حاجه تهزهم .. 

الناس اصلا اللى حواليهم انواع .. نوع من بعيد اووى شايف ثبات ولا هو شايف الحجاره اللى بتقع عليه ولا بيحس بزلزاله ولا بيشوف بركانه اللى جواه . 

نوع تانى قريب حبه عارف وشايف بس لسه بعيد .

نوع تالت . دول الابطال بقى .. دول اللى بتسلقو الجبل دا وبيحبو كل حفره وكل هزه فيه كل مخباء وكل تفصيله كل حته فيها ارتفاعه. 

دول اللى بيعرفو يتعاملو لما يحصل زلزله او حيوان برى يطلع او لما يدخلو مغاره فيه ويلاقوها ضلمه .. اللى مهما حصل جوا الجبل دا بيبقو فاهمينه حابنه وعاشقين لمغامرته 

هما اللى بيكملو للنهايه وبيوصلو للقمه .

.

اه الجبل مافيش ريح تهزه لكنه من جواه مليان اوووى .

المغامر الشجاع هو اللى يتسلقو ويقدر يكمل 

الجبال مش موجوده للجبناء .

الجبال للشجعان 

وعشان كدا الناس القويه مش سهل تلاقى حد يقدر يستمر بسهوله معاهم  ف عمقهم .. 

لانهم بيكتشفو ايه دا هو بيتهز زينا احنا الضعفا وبيحتاج مطره وزرع فيه وجواه حيوانات عايشه وطيب على مخلوقات ..

الجبل مش وحش ..

مافيش حد ما بيتهزش حتى الجبل نفسه .

لكل حد قدر يتسلق جبل ومكمل .دمت قوى وشجاع ،💜