طريق

فيه فلم لزيز اسمه
The other end of the line
ف الفلم دا كان حد بيحكى ففرح صديقه عن ازااى قابل البنت اللى بيتحوزها دلوقت
قال انهم لما كانو ف معسكر
وكان بيفصل معسكر البنات عن الولاد بركه صغيره .. وبليل ف يوم قررو انهم يتطفلو على معسكر البنات ... بس البركه دى كانت بالنسبه لطفل عنده 11 سنه  عامله زى نهر المسيسبى وف الوقت اللى كان بقول لصاحبه المخاطر اللى ممكن تحصل كان صاحبه وصل الناحيه التانيه ..
هو خاف ورجع .
لما صاحبه رجع قاله انا لقيت البنت اللى هتجوزها
بعد 10 سنشن كان هو وصديقه دا ف حفله وكان معاه واحده وفجأه لقى البنت اللى كان شافها ف المعسكر زمان
فساب البنت اللى معاه وراحلها .
واتجوزو .
..........
 من ناحيه تانيه فيه بنوته عايشه ف مومباى ف الهند وبتشتغل ف بنك اتعرفت على واحد من نيوجيرسى من الشغل وقررت انها تجازف بكل تحويشتها تجازف بمخاطره ان هيحصلها مشاكل كتير
تجازف عشان تتعرف على حد وزى ما قالت تقوم بمغامرتها الاولى والاخيره .
بريا استمتعت بوقتها وجازفت كانت شخصيه حلوه ولما سافرت بقى عندها حاجه جديده اتعلمتها مهما كان شكل النهايه ايه .
حياتنا كدا جازفو ... جازفو عشان تعرفو تستمتعو بالحياه
جازفو عشان تلاقو الحب
جازفو عشان تعيشو
جازفو ومهما كانت الخساره المكسب اكتر وقت ما تبقى عايز تكسب .جازفو لان الحب والحياه مافيش مكان للجبنا .

Comments

Post a Comment

Popular posts from this blog

الونس

Image
 (والروح محتاجه لورح ترد فيها الروح ) جمله دى اول مره قريتها حسيتها معناها الونس . اه الونس ؛ زمان ولحد فتره قرييه ما كنتش فاهمه يعنى ايه ونس . لكن فهمتها ..... بالفعل . الونس هو حد معاك بس بروحه . روحه تلمس روحك من غير ما تتكلم او تنطق بحرف . الونس مش محتاج وجوده الكلام والتصنع والمجاملات . الونس اصلا شاف روحك ودخل فيها لمسها وقرب من نارها قبل جنتها . الونس شاف ضلمتك وما خافش منها بالعكس ونسك ببواقى النور اللى عنده لحد ما تنوصل لنورك . الونس هو وجود مميز جميل ما يتشافش غير بالروح. يابخت اللى عنده ونس يونس عليه حياته ف نورها وضلمتها . ابقو ونس لبعضكم . ادخلو والمسو ارواح بعض .  كونو ونس بجد لبعض .
Read more

قوه بعد وجع

Image
كان فيه جمله ف فلم بحبه بتقول ( الالم يطالبنا بالاحساس به )  وقعدت افكر يعنى ايه يعنى ايه احس بالم .  الفرق ما بين حسيت غصب عنى انى موجوع وانى بسمح لنفسى احس فرق كبير اووى الالم لما  يحصل فينا ونتوجع بنهرب منه بمليون طريقه وطريقه اما السماح بوجود الالم هو انى اتوجع بجد واسيب الوجع يدخل جوايا ويملانى واحسه اوووى . اغوص فيه .. بس مش اغرق اغوص واعرف اعوم جواه .. وبعد ما ياخد وقته ووقت حزنى . اقف عليه زى راكبين الامواج لحد ما موجته كلها تهدى . الالم محتاج حنكه حنكه امته هغوص وامته هركب امواجه الاهم من كل دا انى مش هجرى واسيبه لانى وقت ما هقاوم هغرق فيه وهو جوايا هيكون حمل تقيل يغرقنى اكتر زى حته الحديد . الهم يارب امنحنا حكمه وقوه قوه من روحك منك عشان نقدر نقوم من بعد الالم ونقوم اقوى من الاول قوه وسنده منك تخلى الوجع بتاعنا عمره ما يموتنا الوجع بتاعنا يقوينا . What does not kill you ..... Makes you stronger .💪💪
Read more

الباب

Image
كل واحد فينا جواه أوض كتير ،  عقلنا بيكون مليان بيها بيرتب فيها افكارنا زكرياتنا مشاعرنا كل حاجه من اول ما نتواد . وفيه اوضه واحده بتكون زى اوضة الكراكيب ، بنخزن فيها كل حزن كل وجع كل خزلان كل موقف مؤلم كل مشاعر تخوف لحد ما بتتكركب اوى. كل مره نحس فيها شعور مؤلم ندخل نرمى فيها ونستخبى ، نزين الباب من برا ونغطيه عشان ما نقربش عليه ونعرف نعيش جوانا واحنا عاملين مش عارفين ومتجاهلينه و تمام جدا ، بنفتكر اننا طول ما متجاهلين وجوده هنحس كويس طول الوقت ، لحد ما تيجى لحظه حد يقرب من مشاعرنا اوى او يقول حاجه تدايقنا  يقوم فاتح الباب بتاع الاوضه دى بضلمتها بكراكيبها وترابها يعفر علينا عقلنا ويشوش مشاعرنا وتفكيرنا وما نشوفش  بسببه .   معروفه دايما ان التجاهل ما بيحلش المشكله بل بيزودها . وبردو مشاعرنا لما بنتجاهلها تزود علينا . قبل كدا حد قالى اننا لو ما اهتمناش بالمشاعر بتاعتنا واديناها فرصه انها تعبر وتطلع بتقعد علينا لحد ما بتفطسنا . زى طفل صغير لو فضلنا نتجاهل تصرفاته الصغيره بمرور الوقت هيبداء يصرخ ويزعق ويخبط ويكسر ، وهتبقى محتاج بعد كدا وقت طويل تعالج التجاهل بتاعك للطفل...
Read more